Tamil

துறையை பற்றிய விவரம்

         தமிழகத்தின் திருச்சிராப்பள்ளி மாவட்டத்தில் அமைந்துள்ள ஸ்ரீ ராமகிருஷ்ண தபோவனம், பண்பாடு, ஆன்மீகம் மற்றும் பாரம்பரியக் கல்வி மதிப்பீடுகளை அடிப்படையாகக் கொண்டு பல்வேறு கல்வி நிறுவனங்களைச் சிறப்பாக நிர்வகித்து வருகிறது. இத்தபோவனத்தின் நிர்வாகத்தின் கீழ், பெண்களின் கல்வியை மேம்படுத்தும் உயரிய நோக்கில் ஸ்ரீ சாரதா நிகேதன் மகளிர் அறிவியல் கல்லூரி, கரூர் மாவட்டம் கோடங்கிப்பட்டியில் 1987 ஆம் ஆண்டு நிறுவப்பட்டது.

           இக்கல்லூரியில், இளங்கலை கலை மற்றும் அறிவியல் மாணவிகளுக்கான பகுதி – I தமிழ் பாடப்பிரிவாகத் தமிழ்த்துறை ஆரம்பிக்கப்பட்டது. தொடர்ந்து, 1996 ஆம் ஆண்டு இளங்கலைத் தமிழ் இலக்கியப் பிரிவு (B.A. Tamil) 40 மாணவிகளுடன் தொடங்கப்பட்டது. 2001 ஆம் ஆண்டு முதுகலைத் தமிழ் இலக்கியப் பிரிவு (M.A. Tamil) 20 மாணவிகளுடன் அறிமுகப்படுத்தப்பட்டது. மேலும், 1991 ஆம் ஆண்டு ஆய்வியல் நிறைஞர் (M.Phil) முழுநேரம் மற்றும் பகுதி நேரப் பாடப்பிரிவுகள் 11 மாணவிகளுடன் தொடங்கப்பட்டன. 2015 ஆம் ஆண்டு ஆய்வியல் அறிஞர் (Ph.D) பாடப்பிரிவும் தொடங்கப்பட்டு, தமிழ்த்துறை கற்பித்தல் மற்றும் ஆய்வுத் துறைகளில் சிறப்புடன் செயல்பட்டு வருகிறது.

           மாணவிகளின் முழுமையான கல்வி வளர்ச்சியை நோக்கமாகக் கொண்டு, பாடத்திட்டத்தைத் தாண்டிய கற்றலை ஊக்குவிக்கும் வகையில் பல்வேறு மதிப்பூட்டும் (Value Added) மற்றும் சான்றிதழ் வகுப்புகள் தொடர்ந்து நடத்தப்பட்டு வருகின்றன. இவ்வகுப்புகள் TNPSC, TRB, ஆசிரியர் தகுதித் தேர்வு (TET), NET/SET, SSC, வங்கி மற்றும் பிற அரசுத் தேர்வுகளுக்கு மேம்படுத்தும் வகையில் வடிவமைக்கப்பட்டுள்ளன.

            பாடங்களை எளிதில் புரிந்துகொள்ள உதவும் ICT ஆதாரமான காணொளிக் காட்சி வகுப்புகள் மூலம் கற்பித்தல் – கற்றல் செயல்முறை வலுப்படுத்தப்பட்டுள்ளது.

             மேலும், மாணவிகளின் சுயவளர்ச்சி மற்றும் புத்தகம் தாண்டிய கற்றல் திறனை மேம்படுத்தும் நோக்கில் “தமிழ் பாவாணர் மன்றம்” செயல்பட்டு வருகிறது. இதன் மூலம் ஆண்டுதோறும் வாரத்தில் ஒரு நாள் வாராந்திர கல்வி, இலக்கிய மற்றும் பண்பாட்டு நிகழ்வுகள் ஒழுங்குபடுத்தப்படுகின்றன.

               மாணவிகளின் தலைமைத் திறன் மற்றும் நடைமுறை அனுபவங்களை மேம்படுத்தும் நோக்கில் வழங்கப்படும் வெளிப்புறக் கற்றல் (Internship) வாய்ப்புகள், அரசுப் பணியிடங்களில் தேவையான ஒழுக்கம், பொறுப்புணர்வு மற்றும் பண்பாட்டு மதிப்பீடுகளை உருவாக்க உதவுகின்றன. மேலும், தமிழ் மொழியின் தொன்மை, வளமை மற்றும் நவீன பயன்பாடுகளை உள்ளடக்கிய கூடுதல் சான்றிதழ் வகுப்புகள், மாணவிகளை அரசுத் தேர்வுகள் மற்றும் உயர் கல்விக்குத் தகுதியானவர்களாக உருவாக்குகின்றன.